شروط باك احرار 2023 Bac libre

مراحل ترشيح الأحرار لاجتياز امتحان الباكالوريا:

تتم عملية الترشيح عبر المراحل التالية:

1. الاطلاع على القانون رقم 02.13 بتاريخ 25 غشت 2016 والذي يعرض بالبوابة بعد الضغط على زر "تسجيل طلب جديد"؛

2. تعبئة بطاقة الترشيح الإلكترونية وجوبا من طرف المترشح(ة) والمصادقة عليها إلكترونيا؛

3. طباعة الالتزام؛

4. طباعة وصل تعبئة بطاقة الترشيح الإلكترونية في نسختين؛

5. إيداع ملف طلب الترشيح بعد تعبئته، مصحوبا بالوثائق الضرورية مع الالتزام المصادق على صحة توقيعه وكذا وصل تعبئة بطاقة الترشيح الإلكترونية، لدى المصالح المختصة بالمديرية الإقليمية للوزارة مقابل التأشير على النسخة الثانية من وصل تعبئة بطاقة الترشيح الإلكترونية.

باك احرار 2023 باختصار شديد

نظرا لبزاف ديال التساؤلات حول هدا الموضوع .

اول حاجة غاديرها الا بغيتي تسجل فباك حر هو انك تسجل فالسيت الخاص بباك حر 2023 وهاد السيت هاهو قدامك ( السيت مزال مامفتوحش تال نهار الثلاثاء 1 نونبر غير حطيتو باش كولشي يعرفو ) ،

السيت هو كالتالي :

https://candidaturebac.men.gov.ma/candidatbac/login.aspx

من بعد ماتجل فالسيت كاتخرج فيها وصل التسجيل وواحد للالتزام ديال الغش وداك الالتزام كاتكاليزيه فالمقاطعة .

من بعد كاتمشي المكتبة كاتشري الملف الابيض هو معروف خاص بالباكالوريا احرار كايدير جوج دراهم ( هاهو فالصورة قدامك )

من بعد كتاخد الصفحة الاولى ديال الملف فيه واحد البلاصة سميتها

$طلب_الترشيح داك الطلب كاتعمرو نتا بالمعلرمات الشخصية ديالك ، من بعد كاتقلب الصفحة ديال الملف كاتلقا

$شهادة_الانقطاع ، ديك شهادة الانقطاع كاتديها لاخر اعدادية او اخر ثانوية قريتي فيها تما كايعمرها لك المدير ديال المؤسسة وكاتعطيه واحد الصورة ديالك يلصقها فالملف ويكاشي عليها ، والناس لي خداو تاسعة حرة هما كايخليو ديك شهادة الانقطاع خاوية تال النيابة كايعمروها تما من بعد كاتلقى فالملف واحد البلاصة سميتها

$موجز_من_رسم_الولادة او عقد الازدياد ، هاديك كاتعمرها فالمقاطعة لي مسجل فيها اي المقاطغة لي كاتصايب فيها عقود الازدياد

وكاينة واحد الخانة فالملف سميتها شهادة مدرسية هاديك مكاتعمرها ماوالو كاتخليها خاوية ، صافي هانتا عمرتي الملف ديالك وتهنيتي فيه .

من بعد ماكاتعمر الملف وتهنا فيه خاصك تجمع شي وثائق ، هاد الوثائق هما :

* نسختين من وصل التسجيل ( هادوك لي خرجتي من السيت ملي تسجلتي )

* التزام بالغش مصادق عليه ( داك الالتزام تاهو خرجتيه فالسيت وكاليزيتيه فالمقاطعة )

* صورة شخصية او صورتين ( كاينين نيابات كايطلبو صورك وحدة كاينين كايطلبو جوج ، نتا دي معاك جوج تصاور وتهنا )

* نسخة من البطاقة الوطنية

* أظرفة متنبرة ( هاد الاظرفة كاينين نيابات كايطلبوهم وكاينين نيابات مكايطلبوهومش ، نتا شوف الاعلان ديال النيابة ديالك الا طلبوهم ديهم معاك كاتكتب فيهم الاسم ديالك والعنوان ديالك )

* شهادة السكنى ( هاد شهادة السكنى ماشي كولشي كايديرها ، كايديروها فقط الناس لي بغاو يدوزو فمدينة اخرى من غير مدينتهم الاصلية ، كايديرو شهادة سكنى كاتبين انهم ساكنين فديك المدينة باش النيابة تقبل ليهم الملف ديالهم )

* شهادة الاعفاء من التربية البدنية ( كايديروها غير الناس لي مابغاوش يدوزو السبور ) امتحان الرياضة كيكون في مارس شهر 3 .

صافي غاتجمع هاد الوثائق كاملة وديرهم وسط الملف وكاتديه للنيابة ديالك وكادفعو ، ملي كادفعو فالنيابة كايعطيوك واحد الوصل هداك الوصل حتافظ به .

كيفية تعبئة الملف الابيض

بالنسبة للملف الابيض كايتباع فاي مكتبة مشيتي ليها بحوالي 2 او 3 دراهم ، وفيه ثلاث اماكن خصك تعمرها وهي كالتالي :

طلب_الترشيح ( انظر الصورة رقم 2 )

هاد طلب الترشيح خاص بك نتا كاتعمرو بالمعلومات الشخصية ديالك ورد البال ماديرش فيه شي خطأ ، بالنسبة للخانة الاولى فيها ( الرقم_الوطني_للمترشح ) هداك الرقم قليل لي كايعرفو وبالتالي عرفتيه ديرو تما ماعرفتيهش خلي الخانة خاوية مكاين تا مشكل غادي يعمروه هما فالنيابة ، وفيه خانة اخرى لي هي ( رقم_التاجير_او_المعاش ) هاديك الخانة خليها خاوية ماتعمرهاش نهائيا ، وكاينة خانة اخرى لي هي ( الشعبة ) هاد الخانة كادير فيها المسلك لي بغيتي دوز فيه باك حر ماشي شعبة ، مثلا بغيتي دوز فالاداب كادير تما مسلك الاداب او بغيتي دوز فالعلوم الانسانية كادير تما مسلك العلوم الانسانية .. ، بالنسبة لخانة ( اللغة_الاجنبية_الاولى ) هادي كولشي كايدير اللغة الفرنسية بدون استثناء ، بالنسبة لخانة ( اللغة_الاجنبية_الثانية ) هادي كل واحد كايدير فيها اللغة لي ختار كل واحد وشنو بغا يعني هي اختيارية ... صافي باقي الخانات راه باينين وواضحين ملي كاتعمر طلب الترشيح لتحت فيه توقيع المترشح كاتوقع نتا وغاتكون ساليتي طلب الترشيح .

نسخة_موجزة_من_رسم_الولادة ( انظر الصورة 3 )

هاد الخانة كاتديها للجماعة او المقاطعة لي مسجل فيها اي هاديك لي كاتصايب فيها ليكستريات كاتدي معاك عقد الازدياء او الحالة المدنية وكايعمروها لك ب 2 دراهم ، الناس لي كاينين فمدينة من غير مدينتهم الاصلية هاد الخانة راه ضروري تعمرها فالمدينة الاصلية اي المقاطعة لي مسجل فيها ملي يالله تزاديتي ، او الا تحولتي لمدينة اخرى وعندك العنوان ديال ديك المدينة لي تحولتي ليها فالبطاقة الوطنية يمكن لك تمشي عندهم المقاطعة يعمروها لك بللا ماتمشي المدينة الاصلية

شهادة الانقطاع. ( انظر الصورة 4 )

- الشهادة كاتديها لاخر مؤسسة قريتي فيها سواء الاعدادية او الثانوية ، تما كاتديها وكاتدي معاك واحد الصورة الشخصية ديالها كاتعطيها ليهم كايلصقوها لك فالملف ويكاشيو عليها وكايعمرو لك شهادة الانقطاع

- الناس لي خداو الباك وكايقراو فالتكوين المهني او كايقراو فالجامعة ، شهادة الانقطاع كايعمروها فالثانوية لي خداو فيها الباك ماشي لفاك ولا التكرين المهني ..

- الناس لي خداو تاسعة حرة هاد الخانة مكايعمروهاش كايخليوها خاوية تا يديو الملف يدفعوه فالنيابة تما كايعمروها هما ...

- بالنسبة للناس لي بعاد على المدينة الاصلية ديالهم راه ممكن يكلفو شي حد من العائلة يعمرو ليه الملف كامل ويصيفتوه لك ولا يدفعوه ليه ، ماشي بالضرورة يحضر المعني بالامر نهائية ، اي واحد ممكن يتكلف لك بالملف

ملاحظة

اي حاجة ماذكرتهاش هنا فالملف خليها خاوية ماتعمرهاش مثلا شهادة مدرسية راها مكاتعمرش نهائيا كاتبقا خاوية ، داكشي لي غاتعمر راه شرحتو لك بالتفصيل المفصل

اظافة

التسجيل راه مزال مابداش ، غايبدا ان شاء الله غالبا يوم 4 نونبر (شهر 11 ) وغايسالي نهار 4 دجنبر ( شهر 12 ) ان شاء الله

بالتوفيق للجميع

تحميل وثائق الترشيح لباكالوريا أحرار 2023

 شروط الترشح لاجتياز امتحانات البكالوريا برسم دورة 2023 بصفة مترشح حر

التسجيل ابتداء من 1 إلى غاية 30 نونبر 2022

التزام المترشح (ة) الخاص بامتحانات نيل شهادة البكالوريا أحرار دورة 2022

نموذج رقم 1 : امتحان نيل شهادة البكالوريا لمادة التربية البدنية الخاص بالمترشحين الأحرار

نموذج رقم 2 : شهادة الإعفاء من التربية البدنية

إلتزام امتحانات نيل شهادة البكالوريا

تحميل الوثائق