سؤال وجواب بخصوص التكوين المهني

معلومات عن التكوين المهني ofppt

سؤال جواب بخصوص التكوين المهني

تحت طلبكم ..الناس لي حايرة او بغات دفع التكوين المهني معرفاش الشعب لي كاينة

فكل مؤسسة جبنا ليكم الموقع الرسمي لي غادي تلقاو فيه المؤسسات لي كاينين فكل مدينة +الشعب لي كاينة فكل مؤسسة

اول حاجة غادي ندخلو لهاد الموقع

https://www.ofppt.ma

ثاني حاجة ملي غادي ندخلو الموقع غادي طلعو لينا جوج خانات فيهم الجهة والمدينة نتا غادي تختار الجهة و المدينة لي باغي تقرا فيها التكوين غير هو نصيحة امعلم

متشوفش غير القرب شوف الشعبة لي تقدر تعطي فيها بزاف غادي ترتاح فيها حيث كل مدينة كتختالف على اخرى من حيث التخصصات على سبيل مثال الى جينا نختارو مدينة الفقيه بن صالح غادي لقاو فيها تخصصات قليلة بالمقارنة مع مدينة بني ملال لي فيها بزاف تاع تخصصات

ملي غادي نختارو الجهة والمدينة غادي طلعو لينا المؤسسات لي كاينة فديك المدينة حيث كاينين مؤسسات تاع الفندقة او سياحة بحودهم كاينين تاع العلوم والتكنولوجيا بحودهم نتا ختار المؤسسة لي تلائمك من بعد ملي نختارو المؤسسة غادي طلعو لينا الشعب لي كاينة فالمؤسسة ونوع المستوى المطلوب يعني المستوى لي تقدر دفع بيه داك التخصص على سبيل المثال

مستوى تقني متخصص : كيدفعو ليه بالباك

مستوى تقني : كيدفعو ليه بشهادة مدرسية تاع الباك ماشي ضروري تكون ناجح فقط تكون مكمل قريتك

مستوى التأهيل : كيدفعو ليه صحاب التاسعة

مستوى التخصص : كيدفعو ليه صحاب السادس ماشي ضروري تكون ناجح فالسادس فقط تكون مكمل قريتك

امتى غادي بدى التسجيل

التسجيل سينطلق في أوائل شهر ماي المقبل و حين بداية التسجيل سنخبركم عبر الصفحة بطريقة التسجيل

واش التسجيل كيكون غير فالموقع فقط

التسجيل في موقع لا يكفي خاصك ضروري تمشي المعهد لي نتا ختاريتي تحط ملف التسجيل حيث بلا بيه مغديش تسمى راسك مسجل

ما هي عتبة الانتقاء

لا توجد نقطة محددة على حساب العدد لي مسجل فالتكوين المهني الى كان عدد مرتافع غادي طلعو نقطة الى العدد قليل غادي تكون نقطة هابطة

شناهما الشروط باش ندفع التكوين المهني

اول شرط لي هو مشترك عدم تجاوز المترشح 30 سنة

ثاني شرط كيتعلق بالمستوى لي باغي دفع ليه حيث كاينين اربع مستويات لي هي

مستوى التخصص : كيدفعو ليه الناس لي قراو سادس ابتدائي ماشي بضرورة تكون ناجح فقط تكون مكمل قريتك فالسادس

مستوى التأهيل : كيدفعو ليه الناس لي قراو التاسعة اعدادي بالكامل ماشي ضرورة تكون نجحتي مهم قريتي تاسعة العام كامل كذلك الناس لي عندهم دبلوم متخصص ايمكن ليهم ترشحو مستوى التأهيل

مستوى التقني : هاد مستوى كيدفعو ليه الناس لي قراو الباك بالكامل وخا متكونش نجحتي فالباك مهم تكون قريتي الباك العام كامل كذلك الناس لي عندهم ديبلوم التأهيل ايمكن ليهم ترشحو لمستوى التقني

مستوى التقني المتخصص : هاد مستوى كيدفعو ليه الناس لي خداو الباك يعني نجحتي فالباك عندك شهادة البكالوريا

واش ضروري باكالوريا جديدة باش نتسجل

ماشي بضرورة كون عندك باك جديد مهم متكونش فايت 30 سنة

واش يمكن ليا ندفع التكوين وخا انا كنقرا فالفاك

نعم يمكن لك الترشح بمتسوى تقني يعني غادي دفع ليهم غير بنسخة من شهادة البكالوريا غير هو الحضور اجباري فالتكوين المهني كلما غيبتي كتنقصو ليك النقاط من السلوك

شنو هي احسن شعبة لي نقدر ندير

جميع الشعب المتاحة فالتكوين المهني عندها آفاق خاص غير نتا تختار لي التخصص لي ناسبك تعطي بزاف فداك التخصص بمعنى خاص تكون عندك الرغبة تقرا تبغي داك الشعبة لي ختاريتي حيث كل واحد كيميل شي حاجة لي عجباه نتا عاجبك شي حاجة ختارها توكل على الله

واش كيقبلو كلشي فالتكوين المهني

بطبيعة الحال لا عدد المقاعد كتكون محدودة فكل معهد لذا خاصك تحترام اجال التسجيل و شروط التسجيل

واش كاينة المنحة فالتكوين المهني

نعم كاينة منحة دراسية كيستافدو منها فقط الناس لي خداو البكالوريا مسجلين بمستوى تقني او تقني متخصص ماشي كلشي كياخودها غير الى تقبلتي فيها

شحال مصاريف التسجيل فالتكوين

المصاريف كتختالف من مستوى الى اخر

مستوى تقني متخصص كيخلصو 950 درهم