اجي تستافد شنو خاصك دير/ماديرش في "Soutenance"
خدمتي نعام سيدي/لالة ال "Projet" ديالك، ساليتي الرابور، كلشي مزيان بقات "La présentation" مزيــــان
أغلبية كيتخلع حيت مامولفينش نهضرو قدام الناس عادي، ولكن إلا مشيتي موجد آش دير و تايق فراسك غادي دوزها بحال شريب الماء.. لي عليا نوريك آش دير، التقة فالنفس كاتبقا عليك
أولا : شنو الفرق بعدا بين الرابور و السوتنونس؟
واخا بزوج كايهضرو علا ال "Projet" ديالك إلا أن الرابور فيه الديطاي و السوتنونس كاتخلا علا التفاصيل "Détails" و كاتهضر علا "La synthèse" د البروجي، يعني غادي دير عرض علا مجمل البروجي ديالك. نتا عليك التقديم، و الديطاي (إلا بغاه ال "Jury") راه عندو فالرابور.
ثانيا : آش كايعاين منك ال "Jury"؟
بطبيعة الحال النقطة ماغاديش تحط ليك علا واش لابس مزيان ولا هضرتي مزيان و صافي ولكن كاين بزاف دالنقط لي خاصك ترد ليهوم البال ولي راك غادي تتقيم عليهوم :
لحاجة لولة :
و هي الصعيبة شوية، خاصك دير راسك فبلاصت "Auditoire" دياولك، يعني واخا الناس لي قبالتك راهوم "Professionnels" و متخصصين فديك الضومين ولكن راه البروجي ديالك نتا، آلوغ داكشي لي كايبان ليك عادي راه ماشي بالضروري عارفينو ال "Jury". يعني ما خاصكش تهتم غير ب "l'exposé" ديالك ولكن بكيفاش توصل ليهوم الفكرة واضحة.. بمعنى آخر واخا تكون كاطير فالبروجي ديالك و متمكن منو راه إلا ما عرفتيش تبسطو بحال لا ما درتي والو.
لحاجة ثانيا :
"L'épreuve orale" ديالكوم خاصها تكون "حية" نوعا ما، خاص تخلص من ديك "La monotonie" فالتقديم لأنك غادي تنقط علا القدرة ديالك فالشرح و تركيب الأفكار، ماشي فالقراية، إلا كنتي غير غادي تقرا بلا ما تجي ڭاع صيفط الديابو و خليهوم يحماقو معاه. شحال من واحد كان يستاهل 18 علا الخدمة لي دار ولكن مشا قرا الديابو و خدا 12 ناشفة. المهم مازال نشوفو لتحت كيفاش دير تهضر.
باختصار، أصالة العمل ديالك و القدرة علا التعبير كادخل فالتنقيط.
الحاجة ثانيا :
هادي لي عارفينها كاملين، تكون مقاد، الحضور ديالك ملحوظ و داكشي كامل المهم ما نخافش عليكوم.
ثالثا كبيرة : شنو الهدف ديالي من هادشي؟
الهدف هنا هو دوز ميساج واضح و دقيق.. و باش تكون فهاد المعايير خاص تحط علا راسك هاد الأسئلة و تعكس الجواب ديالهوم ف "la présentation" ديالك:
De quoi s’agit-il?
Pourquoi?
Qu’est-ce qui ce qui pourrait, dans ce sujet, intéresser
l’auditoire?
Qu'est ce qu’il en sait déjà / ce qu’il devrait savoir pour profiter de cet exposé et de quelle façon est ce que ce dernier lui apportera de plus?
رابعا كبيرة : آش مسموح ليا ندير فالديابو/نجيب معايا؟
بالنسبة للديابو، من الأحسن و باش ما طيحش فموقف خايب، مايكونش بزاف دالكتابة فكل وحدة، 2 جمل تال 3 بآآآركة، و تكون جملة واضحة (Sujet verbe complément) بلا زيادة.
الكتابة تكون واضحة، " Arial 18 points" كافية و باينة.
كل صفحة أو ديابو تكون فيها فكرة وحدة، و عامة "Les transitions" كايبينو التقسيم كيف ماشي.. مثلا باش دوز من فكرة أساسية لوحدة أخرى دير "Transition" كبيرة شوية (نفسها تمشي بين الأفكار الأساسية كاملين) و باش دوز من فكرة ثانوية لأخرى دير "Transition" خفيفة (نفسها عاود تمشي بين الأفكار الثانوية كاملة).
الأغلبية الساحقة كادوز ليديابو من "Pc" بيديهوم ولا كاين لي كايبقا واقف قبالتو ڭاع و كايهضر، كاين واحد الطريقة زوينة بزاف كانديرها باش نتحرر علا ال "Pc / Projection".. كاندوز لي ديابو من بورطابل عن طريق لابليكاسيون "Unified remote control" و كاتوريك فليكرون الكومنتس لي كتبتي علا كل وحدة، يعني ما كاتبقاش مقيد بالبيسي ولا البروجيكسيون، و هنا كاتكون بركتي ل "Jury" علا جي سبوت..
خامسا كبيرة : "Structure" ديال الديابو؟
غادي نعطيكوم السطوندار، أبدعو كما شئتم :
• Un transparent de présentation (nom(s), titre du projet, ecole, jury…)
• Prévoir au début un transparent qui donne le plan de l'exposé.
• Méthodes de travail:
=>Comment vous avez procédé, et les raisons des choix principaux.
=>Cahier de charges (pour les informaticiens)
=>Questionnaires
=>.............
• Les résultats remarquables:
=>Sélectionnez quelques résultats les plus intéressants (présentés sous forme synthétique: tableau, graphe, …)
• Synthèse, discussion et conclusions :
=>Ce que ces résultats vous ont permis de déduire / comprendre sur votre sujet.
• Bilan et perspectives
=>Comment pourrait-on poursuivre cette étude? (Mettez ces réflexions en perspective et apportez votre opinion personnelle).
=>Prenez un peu de recul par rapport à votre travail (Comment referiez-vous ce travail? (et c'est optionnel))
ساديسا كبيرة : كلشي واجد، إيوا كيفاش نهضر؟
بعدا قبل أي حاجة، الخلعة و طخاك ضروري منهوم، عادي جدا، حياتي كاملة بريزونطاسيونات سوا قراية ولا فالخدمة و مازال لدابا كانوقف قدام بنادم كاتشدني الخلعة، ولكن غير كاتبدا تهضر صافي، بحال لا كنتي غير كاتكذب.. يعني كلما ركزتي علا آش كاتقول كلما رتاحيتي.
*خاصك بطبيعة الحال تهضر بوضوح وبصوت مسموع و تكون دقيق فهضرتك.
*ماتقرآآآآآآآآآآآآآآآآش من الديابو كاتهرس الخدمة لي درتي العام كامل ف 5 دقايق.
*ما تنساش راسك فالشرح غادي طيح فالديطاي ونتا عندك غير 20 دقيقة ماكس.
*إلا قلتي شي "Mot technique" شرحو نيشان من بعد، شرح سطحي و صافي.
*تقدر تدخل واحد 2 "anecdotes" فالبريزونطاسيون، مرحبا كاتعطي واحد الرونق (رونق) عليه ولكن ما تعيقش عاود.
*هضر ونتا كاتشوف ف"Jury" ديك الحشمة الخاوية كاتخليهوم يفكرو بلي ما عندك بيهوم تا اهتمام.
*إلا كنتو كروب خدامين، نظمو مزيآآآن ال "passage de parole" بيناتكوم، و إيلا قديتو ترجعوها بحال "discussion" كاتجي يا سلام.
سابعا كبيرة : التمكن من الوقت
علا حساب الوقت لي كايتعطا ليكوم، من المهم أنك تحتارمو ب +/- 2 دقايق، يعني إلا كانت عندك 15 دقيقة ما تفوتش 17 و ما تسكتش قبل 13.. و باش تمكن منو مزيان بقا تريبيتي فالدار قبالت خوتك صحابك لي بغيتي حتا تحس براسك ناضي و سولهوم علا الملاحظات ديالهوم، شنو تصلح شنو تزيد إلخ..
و إلا وقع ليك شي "imprévu" نهار السوتنونس و تعطلتي فشي قنت بالشرح ما تبقاش تزرب فالهضرة باش تسالي فالوقت ولكن الديابو لي شفتيها بدون أهمية فوتها عادي جدا باش تقدر تشرح لي عندهم أهمية أكثر. (هنا عاود كاتجي ديك لابليكاسيون د قبيلة، كاتوريك الوقت لي دوزتي فكل ديابو + الوقت جينيرال باش كاتبقا ميتريزي راسك)
ثامنا كبيرة : "l'entretien" مع ال "jury"
كاتسالي الهضرة كايجي الحساب، ما عرفت علاش كاتخلع الناس ولكن أنا أحسن بارتي عندي هي هادي حيت هنا فين كانبين راسي شحال متمكن من خدمتي.. راه هو لي كايسولني فداكشي ديالي يعني فديك اللحظة راك نتا لي بيدك كلشي، كنتي واثق من راسك راك مزيان، كنتي كاتلف تقولبتي.
المهم، عامة ال "Jury" كايسولو علا :
*ڭاع "Les ambiguïtés" أو الغموض لي عندك فالبروجي/ديابو/رابور تشرحو
*شي حاجة تقدر تكون دزتي عليها دغيا و شي واحد منهوم بغا توضيح (هنا بعد المرات كانديرها عمدا فشي حاجة لي ضابطها مزيان باش يسولني فيها و نتكب عليه ديك الساع، ولكن ما تعيقش
*إلا كانت شي حاجة ناقصة فالرابور
*و بطبيعة الحال التوقعات و "les projections" ديال البروجي ديالك فالمستقبل و "les ouvertures possibles".... المهم أحلام اليقظة..
فاش يكون "jury" كايطرح السؤال حاول تسمعو مزيان و تفهمو باش الجواب ديالك يكون مقنع و ما طولش نتا وياه بزاف، و حاول ما تبعدش بزاف فالجواب باش ما تبعدش علا البروجي ديالك و طيح فشي حاجة ما عارفهاش.
التسنطيح مزيان، ولكن ماشي بزاف و ماشي مع أي واحد، المهم باش ما نخرجش علا شعب بأكمله، ما تسنطحوش ڭاع!
الناس لي عندهوم تجربة تا هوما، إلا نسيت أو غلطت فشي حاجة ما تبخلوش علينا.
إرسال تعليق